المساعد الشخصي الرقمي

مشاهدة النسخة كاملة : عــــيال حـــارتنا

قـــ ف ـــل
08-10-2006, 02:24 AM
عيال حارتنا قصيده جميله للشاعرفيصل اليامي تذكرك بالطفوله البريئه..

.اهداء مني لاعضاء

ياليت ان الزمن يرجــع ورى ولا اللــيالي تدور ? ويرجـــع وقتنــا الأول وننــــعم في بساطـتنا

زمـان اول احـس انه زمـانٍٍ فيه صـدق شـعـور ? نحــب ونخلـــص النـيـه وتجـمعنا محــبتنا

زمــن ما فـيه لا غيــبـه ولا حـتى نفـــاق وزور ? ياليتـه بس لـو يرجـع ونسـترجع طفولــتنا

صــغار قلوبـنا بيضــا نعيش بعالـمٍ محـصـــــور ? ولا نعرف ابد اغراب مـا غير عيال حارتنا

صـحيح صـغار فالتفكير لـكن ماعــلينا قــصـور ? نخطــط نكــــسر اللـعبه وتسـعدنا شــقاوتنا

نروح المدرسـه بدري ونضـحك داخل الطــابور ? نـحـاول نزعــج العـالم في روحتنـا وجيتنا

وعشـان نأخر الحـصــه نخـبي عـلبة الطبشـور ? نشاغـــب بــس فالآخــر تميـــزنا برائتــنا

نحب الضحـك والهيصـه نحب انط فوق السـور ? نفرفش.ليه مانفرفش مدام الضـحك عادتنا

ولكـن دارت الأيــــام وبان الخــافي المـــسـتور ? وصــار الهــم متعـلي علىقـمة ســعـادتنا

كبرنا وصـارت الدنـيا تصـــف أحــزاننا بالـدور ? وتهدينا الألم والهم غصب عن عيـن رغبتنا

تعبنـا من بلاويــنا أحد ضـايق وأحـد مقهـــــور ? وكـلٍ غــارق بهــمـه وفالآخــر تشــــتـتـنا

وانا مـا أقــول غـير الا حــلالاه الزمـان يـــدور ? ويرجع لـلورى فتـره نعّدل وضـع عيشـتنا__________________
عالي الهمة
08-10-2006, 03:38 AM
مشكور قفل على القصيدة الرائعة ويعطيك العافية
المــحــــــترمـــ
08-10-2006, 07:14 PM
الله يذكر ذيك الايام بالخير ( ) ( ) ايام حلوة ياليتها تعود

والله انها احلى ايام يالقفل كنا البزارين مع بعض والرجاجيل مع بعض والحريم مع بعض وكانت الحارة بيت واحد

والله اذكر في صغري انه كان فيه دكان في حارتنا نتواعد عنده عشان نتجمع ونروح للمدرسة ومع بعض الين نطلع والله اننا نوقف الين نتجمع مرة ثانية الضهر عشان نرجع حارتنا ولافيه باصات مثل الحين كعابي الله لايهينك والمشكلة المدرسة بعيدة بس كانت ايام حلوه صح نوصل البيت ونشرب طن مويه عقب الحر والشمس
وفي الشتاء يلعب فينا المشق لكن ياليتها تعود

الله عليك يالقفل رديتني 90 سنة يوم كنت في الابتدائية

تحياتي


.
قـــ ف ـــل
09-10-2006, 12:57 AM
عالي شكرا يا اخي

محترم اشكرك على التعليق الرائع فعلا ايام اول احسن من الحين00
بعدين وش تسعين سنه تصغر نفسك يعني ؟؟؟؟
سفيرة الغرام
17-10-2006, 03:28 AM
مشكور علي القصيدة الرائعة ويعطيك العافية
قـــ ف ـــل
17-10-2006, 04:17 AM
مشكوره للمرور سفيرة بعدين صغري الخط ترا ماني اعمي خخخخخخخخخخخخخخخخخخخخ
قـــ ف ـــل
23-12-2006, 10:51 AM
محترم هذى القصيده الي في توقيعك
آه يا زمن
01-01-2007, 01:34 AM
مشكورين

اختك
كتكووتة