قالت انتبه

[المــحــــــترمـــ]

ياعين من حطيـت عينـي بعينـه **** وابطيت واقف في بحر عينك اموج

ابحرت فـي عينـه بليـا سفينـه **** سجيت فيها لين ضيعنـي المـوج

حاولت الد الشـوف عمـا يهينـه **** ولا انتبهت الا وانـا فيـه ملبـوج

شفت الفتن فـي ملتقـى حاجبينـه **** والسحر في عينه مع الزين مدموج

اسـود سـواده لابستـه السكينـه **** وابيض بياضه طايش اللون مرجوج

زاويـه طـرفٍ حاجـزٍ دمعتينـه **** لولاه كان الخد بالكحـل ممـزوج

كاسيه رمـشٍ زاد ملحـه وزينـه **** من فوق متكحل ومن تحت مدعوج

بين الرموش السود شفـت الغبينـه **** واللي رماه الرمش ماعاد له بـوج

مرت ثواني مـن حياتـي ثمينـه **** وانا اتهادى بيـن الاشـواق وادوج

مرت وانا قابض علـى راحتينـه **** واقف مقابل لـه ساهـي ومدلـوج

مدري وش اللي صار بيني وبينـه **** والقلب ماردنه اضلوعـي العـوج

ولا انتبهـت الا بسحبـت ايدينـه **** قالت انت تبغى الناس تلحقني بهروج

قلت العذر اللي شافـك الله يعينـه **** يبطي ودمعه بعد فرقـاك مزعـوج

عينـك بنظـرات الغـلا مستهينـه **** قالت الغلا في داخل القلب منسـوج

قلت الوعد قال ايـه كلـش بحينـه **** الله يفتح لك مـن الضيقـه فجـوج

قلت آآآه طيب شفلي الدرب وينـه **** قالت انتبه باقي علـى شفتـك روج

قلت لهـا ادري بـس لاتمسحينـه **** ابقهـر بلونـه مطافيـق وعلـوج

<<<<<<<<<<<<<<<<>>>>>>>>>>>>>>>>>

منقوووول

[شواطئ الذكريات]

تسـلم يميـنكـ ((.. المحـتـرم ..)) ع النقـلـ الرائـع

يعطيـكـ الـعـافيـه


تحيـاتـي لكـ

[المــحــــــترمـــ]

اشكرك عزيزي شواطيء

على ردك الرائع


وتحياتي لك