هذا الغزل والا بلاش,,,,,,,,,,,,,,,,,,,,,

[قـــ ف ـــل]

. هذه احد قصائد الشاعر / ناصر الفراعنة السبيعي
وهو شاعر شاب يعد من أكبر الشاعر في قبيلتة وكذلك على مستوى المملكة هو غني عن التعرف كما يعرفه
الجميع وأترككم مع هذه القصيدة الجميلة



توّ ماجيتـي وخلّيتـي العاشـق وطـي"
" كيف لو ترخين عن نور خـدّك برقعـه

والله انّ الزين غيرك ولـو زان خْرطـي"
" لو كبر مثل اربعه نقّصوا منهـا اربعـه

ياهنوف الروح مما عطـاك الله عطـي"
" عاشق كل مابغى يذكـر اسمـه ضيّعـه

احمر التفّاح والا من الحلـو اصفطـي"
" لمخطوف من عظم فرحته عضّ اصبعه

واقلطي في مجلس الصدر يا بنت اقلطي"
" لعنبو من لا فرش لك من الصدر اضلعه

وفي بساط من حنايا ضلوعـي بسّطـي"
" مجلس ما نجتمع به لابو مـن جمّعـه

ونشّطي روحي بذايـب أنينـك نشّطـي"
" قالوا ان الميت يحيى عقب مـا يسمعـه

ورقّصيني فوق خصرك وهدي وامغطـي"
" ويش فيها لالتوى والتوى قلبـي معـه

واعصري لي من قراح الشفايف واخلطي"
" زنجبيـل سلسبيـل علـيـل منبـعـه

واكتبيني كلمة فـي ثمانـك واشخطـي"
" وكان جرحي مابرى عقبها وش ينفعه؟

مابغيت آصدّق انّي معك رايـح وطـي"
" لين شفت العين ترسمك ظـلّ وتتبعـه


وعلى المحبه نلتقي
.

[شواطئ الذكريات]

عزيزي ((.. قـــ ف ـــل ..))

فكـره فـي غـايـة الروعـة تسـلم يـا الـغـالي عـلـى الطرح من هذه الفكـره

هـذي بعـضـاً من كلمـات الشـاعـر : خـالـد المـريخـي

ضحيت فالدنيا علشان دنياك خليت كل إلي يبيني وجيتك ،،
كنت بعيوني وين ما أطالع ألقاك! حتى ولو غمضت عيني لقيتك
.:.والحين روح أرجوك ساعدني أنساك ولاتجي حتى لو إني بغيتك ،،
وإن مرّ في بالي بقايا لذكراك بحاول أنساها مثل مانسيتك

[المــحــــــترمـــ]

وفي بساط من حنايا ضلوعـي بسّطـي"
" مجلس ما نجتمع به لابو مـن جمّعـه


ابداع يالقفل

تسلم اناملك


تحياتي