أم حديجان
17-07-2007, 09:40 PM
بسم الله الرحمن الرحيم ,,
السلام عليكم / عليكن .. ورحمة الله وبركاته ..
صباح / مساء ,,
قدر الضغط و الملاس ..
بطعم كراعين العنز والرأس .. لكم يا أعز وأغلى ناس ..
اليوم يا أخواتي الحلوات .. ويا إخواني الأحلى والأحلى من كل حلوة ..
جايب لكم موضوعن عن طبخة اسمها مكتوب فوق بالعنوان ..
أتمنى إنكم تستفيدون منها يا أصدقائي الإلكترونيين ..
والآن مع أولى فقرات الموضوع ..
,
,
!.. (( .. المطازيز في سطور .. )) ..!
حدثتنا أم سعد عن أختها عن جدتها " .. ولا أوصيكن يا بنيّاتي بالطبخ والمطبخ وشغل البيت لأن مثل ما يقولون طريقتس للوصول لقلب رجلتس بطنه .. فمثل ما عيون الرجل أحياناً تروح يمين ويسار .. فترى بطنه بعد مثل عينه .. فالله الله بالطبخ الزين والسنع .. لا تفشلنن عند رجالكن وحمايلكن إذا أعرستن ..
أم علي ( الهلي ) : طيب يايمه عطينا طبختن زينة تخلي رجلي يأكل كل اللي بالصحن ويلحس يديني ويديه من زينه ..
أبيه ما يقوى يتحرك إذا أكله .. أبيه ما يتعدى السماط .. أبيه من قوة إنه شبعان يتاغر مع إباطه ..
الأم : والله انتس يالهلي على وجهتس المنسدح منتب فالحتن لا بأكل ولا شيء ..
خوات الهلي : خخخخخخخخخخخخخخخخخخخخخخ ..
أم علي ( الهلي ) : يمه وش أسوي إذا طلعت تسذا .. بس هذي خلقه ربي وأنا منب مخليته تحيل بيني وبين حبي الوحيد أبو علي ..
إذا ما توفقت إني أمسك عيونه عن غيري .. أبي أمسك بطنه عل الأقل ..
----->> حالة سكون وتأثر تام من شعور الهلي <<-----
الأم : شوفي يالهلي عندي لتس طبختن تخلي وجه السعد أبو علي يقابل وجهتس 24 وما يطلع من بيته أبد .. إلا لقبرهـ ..
بناتها كلهن : وشي ..؟؟! ---->> الظاهر كلهن من قوم الهلي ..
الأم : المطازيز يالهلي .. إيه المطازيز .. هذي يا الهلي طبختن زينة ومفيدة .. وثقيلة بنفس الوقت لأنه مليانه بالدهن بس هذا شي(ن) زين ويفيدك بأوقات الهبوط الاضطراري بالشتاء .. فهي تدفي الجسم وتعطيه طاقة إذا فقد مصدر التدفئة الأول والمحبب عند أبو علي وغيرهـ .. فالمطازيز يبي يدفيه ويملأ بطنه ويخليه مايقوى يتحرك من محله ويمكن يذبحه لتس إن تسانه مريض(ن) بالقلب .. أما إذا بغى دفى بالصيف وأنت بالحالة اللي قلته من شوي .. فخليه ينام بالحوش وإلا شغلي له المكيف على الحار ولفيه بفروه وبطانية ..
الهلي ( أم علي ) : باقتن عيونه زي بعض العضوات الحين .. قالت لأمه وشي مطازيز .. ذي جديدتن علي أول مرتن أسمع به ..!؟
الجدة : المطازيز يا بنيتي أكلتن مشهورتن في نجد ومشهورتن كثير وأنا ما أدري عن حتسي الناس .. يقولون إن أهل القصيم يحبونه كثير كثير اكثر من أهل نجد .. لدرجة إننا مرة راحين أنا وأبوتس للدمام يوم أنتن صغيرات بس ما كنا في شتاء .. وكنا متسدحين على البحر أنا وأبوتس وقاعدين نطبخ مطازيز .. فمرت علينا وحدهـ وقالت سمعنا عنكم يالقصمان من كثر ما تحبون هالمطازيز تأكلونه بسندويش ..
خخخخخخ وراحت وهي تضحك علينا .. وسمعنا بعدين إن أهله للحين ما لقوهـ .. فيالهلي إذا تطنز بتس أحد أعرفي إن الله حق وماراح ينساتس ..
والمطازيز بعد مشهورتن بالكويت .. أذكر أبوتس الله يغفر له يوم كان يروح هناك يجيب مواتر وجلابيات .. كان إذا جاء من الكويت ظهرهـ يوجعه وركبه .. وإذا سألته وش بلاك .. قال قبل لا أجي عندتس أكلت قبوط بديوانية أبو يعقوب وركبت الموتر وزيته لتس عليه .. وقلت منب موقفن إلا عندتس .. وبعدين تبين لي إن القبوط هي نفسه المطازيز .. وهو نفسه المرقوق بس إنه اللي هو المرقوق قطيعاته أكبر شوي ..
الهلي ( أم علي ) : يمه قسم بالله فشيلة إذا سألن ابو علي وش أنا طابختن له .. أقول له مطازيز ..
قسم بالله أخاف ..
الأم : أبد لا تخافين جازفي وشوفي النتيجة وش تصير .. أبد ما جايتس إلا كل خير ..
أنتي ماسمعتي سالفة ذيك اللي أضنت وقعدت عند أهله وقت النفاس .. ورجله حاله باليت ..
ماغير ضرب من هالزبادي والتوست .. يوم قربت جيت مرته أنشد وقال ..:
يابنت علم(ن) ياصلك ويتعداك ,, مايبرى شر الجوع إلا المطازيز
لامن بدى بك مر ثم جاك ماجاك ,, ماغير هالمطزاز طب النواغيز
فالمرهـ يوم سمعت هالبيتين ماجت للبيت إلا ومعه مطازيز ..
الهلي ( أم علي ) : طيب يمه شوقتينا للمطازيز .. وش لون تسوى طيب ..؟!
الأم : تبين تعرفين شوفي أمـ حديجــان الله يجزاهـ الرجل الصالح القانت وش زينتت :D ..
!.. (( .. مقادير وطريقة طبخ المطازيز .. خطوة بخطوة ليكون رايق ولزيز .. )) ..!
[فقط الأعضاء المسجلين والمفعلين يمكنهم رؤية الروابط]
كما هو موضح : كيسة لحمة .. وبهارات .. وفلفل أسود .. وملح .. وصلصة .. والصورة الثانية فيها الطحين والبصل والطماط .. ودسوس يدين معلقه على صحن الحطين ..
وفيه الإضافات اللي هي الفقع والبيدجان والكوسه ..
(1)
[فقط الأعضاء المسجلين والمفعلين يمكنهم رؤية الروابط]
نجيب القدر ونحط به البصل والطماط واللحم عشان عملية التكشين ..
نحط عليه الملح والبهارات والفلفل .. ونخليه شوي يتكشن ..
(2)
على بال مايتكشن اللي بالدزر(القدر) نروح نضبط العجينة وهذي هي بعد التضبيط ..
[فقط الأعضاء المسجلين والمفعلين يمكنهم رؤية الروابط]
(3)
بعد ماخصلت عملية التكشين الله يخلين لأمي حطيت 3لتر من الماء وزدت النار شوي وخليته يطبخ ..
وتشوفون بالصورة أني حطيت الفقع بعد الماء وماء ينفخ ( أي يغلي ) .. بس مالفعته يوم نفخ بوجهي ..
[فقط الأعضاء المسجلين والمفعلين يمكنهم رؤية الروابط]
يتبــــــــــــــــــــــــع :D
السلام عليكم / عليكن .. ورحمة الله وبركاته ..
صباح / مساء ,,
قدر الضغط و الملاس ..
بطعم كراعين العنز والرأس .. لكم يا أعز وأغلى ناس ..
اليوم يا أخواتي الحلوات .. ويا إخواني الأحلى والأحلى من كل حلوة ..
جايب لكم موضوعن عن طبخة اسمها مكتوب فوق بالعنوان ..
أتمنى إنكم تستفيدون منها يا أصدقائي الإلكترونيين ..
والآن مع أولى فقرات الموضوع ..
,
,
!.. (( .. المطازيز في سطور .. )) ..!
حدثتنا أم سعد عن أختها عن جدتها " .. ولا أوصيكن يا بنيّاتي بالطبخ والمطبخ وشغل البيت لأن مثل ما يقولون طريقتس للوصول لقلب رجلتس بطنه .. فمثل ما عيون الرجل أحياناً تروح يمين ويسار .. فترى بطنه بعد مثل عينه .. فالله الله بالطبخ الزين والسنع .. لا تفشلنن عند رجالكن وحمايلكن إذا أعرستن ..
أم علي ( الهلي ) : طيب يايمه عطينا طبختن زينة تخلي رجلي يأكل كل اللي بالصحن ويلحس يديني ويديه من زينه ..
أبيه ما يقوى يتحرك إذا أكله .. أبيه ما يتعدى السماط .. أبيه من قوة إنه شبعان يتاغر مع إباطه ..
الأم : والله انتس يالهلي على وجهتس المنسدح منتب فالحتن لا بأكل ولا شيء ..
خوات الهلي : خخخخخخخخخخخخخخخخخخخخخخ ..
أم علي ( الهلي ) : يمه وش أسوي إذا طلعت تسذا .. بس هذي خلقه ربي وأنا منب مخليته تحيل بيني وبين حبي الوحيد أبو علي ..
إذا ما توفقت إني أمسك عيونه عن غيري .. أبي أمسك بطنه عل الأقل ..
----->> حالة سكون وتأثر تام من شعور الهلي <<-----
الأم : شوفي يالهلي عندي لتس طبختن تخلي وجه السعد أبو علي يقابل وجهتس 24 وما يطلع من بيته أبد .. إلا لقبرهـ ..
بناتها كلهن : وشي ..؟؟! ---->> الظاهر كلهن من قوم الهلي ..
الأم : المطازيز يالهلي .. إيه المطازيز .. هذي يا الهلي طبختن زينة ومفيدة .. وثقيلة بنفس الوقت لأنه مليانه بالدهن بس هذا شي(ن) زين ويفيدك بأوقات الهبوط الاضطراري بالشتاء .. فهي تدفي الجسم وتعطيه طاقة إذا فقد مصدر التدفئة الأول والمحبب عند أبو علي وغيرهـ .. فالمطازيز يبي يدفيه ويملأ بطنه ويخليه مايقوى يتحرك من محله ويمكن يذبحه لتس إن تسانه مريض(ن) بالقلب .. أما إذا بغى دفى بالصيف وأنت بالحالة اللي قلته من شوي .. فخليه ينام بالحوش وإلا شغلي له المكيف على الحار ولفيه بفروه وبطانية ..
الهلي ( أم علي ) : باقتن عيونه زي بعض العضوات الحين .. قالت لأمه وشي مطازيز .. ذي جديدتن علي أول مرتن أسمع به ..!؟
الجدة : المطازيز يا بنيتي أكلتن مشهورتن في نجد ومشهورتن كثير وأنا ما أدري عن حتسي الناس .. يقولون إن أهل القصيم يحبونه كثير كثير اكثر من أهل نجد .. لدرجة إننا مرة راحين أنا وأبوتس للدمام يوم أنتن صغيرات بس ما كنا في شتاء .. وكنا متسدحين على البحر أنا وأبوتس وقاعدين نطبخ مطازيز .. فمرت علينا وحدهـ وقالت سمعنا عنكم يالقصمان من كثر ما تحبون هالمطازيز تأكلونه بسندويش ..
خخخخخخ وراحت وهي تضحك علينا .. وسمعنا بعدين إن أهله للحين ما لقوهـ .. فيالهلي إذا تطنز بتس أحد أعرفي إن الله حق وماراح ينساتس ..
والمطازيز بعد مشهورتن بالكويت .. أذكر أبوتس الله يغفر له يوم كان يروح هناك يجيب مواتر وجلابيات .. كان إذا جاء من الكويت ظهرهـ يوجعه وركبه .. وإذا سألته وش بلاك .. قال قبل لا أجي عندتس أكلت قبوط بديوانية أبو يعقوب وركبت الموتر وزيته لتس عليه .. وقلت منب موقفن إلا عندتس .. وبعدين تبين لي إن القبوط هي نفسه المطازيز .. وهو نفسه المرقوق بس إنه اللي هو المرقوق قطيعاته أكبر شوي ..
الهلي ( أم علي ) : يمه قسم بالله فشيلة إذا سألن ابو علي وش أنا طابختن له .. أقول له مطازيز ..
قسم بالله أخاف ..
الأم : أبد لا تخافين جازفي وشوفي النتيجة وش تصير .. أبد ما جايتس إلا كل خير ..
أنتي ماسمعتي سالفة ذيك اللي أضنت وقعدت عند أهله وقت النفاس .. ورجله حاله باليت ..
ماغير ضرب من هالزبادي والتوست .. يوم قربت جيت مرته أنشد وقال ..:
يابنت علم(ن) ياصلك ويتعداك ,, مايبرى شر الجوع إلا المطازيز
لامن بدى بك مر ثم جاك ماجاك ,, ماغير هالمطزاز طب النواغيز
فالمرهـ يوم سمعت هالبيتين ماجت للبيت إلا ومعه مطازيز ..
الهلي ( أم علي ) : طيب يمه شوقتينا للمطازيز .. وش لون تسوى طيب ..؟!
الأم : تبين تعرفين شوفي أمـ حديجــان الله يجزاهـ الرجل الصالح القانت وش زينتت :D ..
!.. (( .. مقادير وطريقة طبخ المطازيز .. خطوة بخطوة ليكون رايق ولزيز .. )) ..!
[فقط الأعضاء المسجلين والمفعلين يمكنهم رؤية الروابط]
كما هو موضح : كيسة لحمة .. وبهارات .. وفلفل أسود .. وملح .. وصلصة .. والصورة الثانية فيها الطحين والبصل والطماط .. ودسوس يدين معلقه على صحن الحطين ..
وفيه الإضافات اللي هي الفقع والبيدجان والكوسه ..
(1)
[فقط الأعضاء المسجلين والمفعلين يمكنهم رؤية الروابط]
نجيب القدر ونحط به البصل والطماط واللحم عشان عملية التكشين ..
نحط عليه الملح والبهارات والفلفل .. ونخليه شوي يتكشن ..
(2)
على بال مايتكشن اللي بالدزر(القدر) نروح نضبط العجينة وهذي هي بعد التضبيط ..
[فقط الأعضاء المسجلين والمفعلين يمكنهم رؤية الروابط]
(3)
بعد ماخصلت عملية التكشين الله يخلين لأمي حطيت 3لتر من الماء وزدت النار شوي وخليته يطبخ ..
وتشوفون بالصورة أني حطيت الفقع بعد الماء وماء ينفخ ( أي يغلي ) .. بس مالفعته يوم نفخ بوجهي ..
[فقط الأعضاء المسجلين والمفعلين يمكنهم رؤية الروابط]
يتبــــــــــــــــــــــــع :D