بنت تكلم بدوي

[قـــ ف ـــل]

البارحه كلمتنـي بنـت مبليـه
معاملتها صراحة معي تعبانة ..
قالت سلام وقلت اهلين يابنيه
قالت بغيت البنات وقلت غلطانه ..
قالت بلاش دلع .. رح ناد بدريه
وكان هي نايمه صوت لسلطانه ..
قلت بصراحه .. ترانا عزوبيــــه
والكل منا يابنـت الناس في شانه ..
قالت بغيت اسولف اذا تسمح شويه
انا قبل اتصل بـك كنـت طفشانـه ..
قلت اهرجي زين وصفـي النيـه
وانا بسولـف علاك بنيـه زانـه ..
قالت بغيت اسألك وش بعد سوريه ..
والهند كانك ذكي وش كثر سكانه ..
قلت بصراحه مااعرف الاالبجاديه ..
واعرف من حد مكـه ليـن غيلانـه ..
قالت تحب وقلت احب اللي حواليه
واحب ربي واحب الكنق واخوانه ..
واحب ديني واحب ارضي السعوديه
محبـة .. ماعطاهـا الخـل خلانـه ..
قالت بضحكة ورا اخلاقك تجارية
اصلا انا يوم اسولف معك خسرانة ..
وانت ابدوي ماتعرف الرومنسيه
وكل ابدوي حياته مالها خانـه ..
قلت اسمعي يابنت ان كنت طبيعيـه
والظاهرانـك يابنـت النـاس سكرانـه ..
انا بدوي ماحنينـت الـراس موليـه ..
الا لربي .. عزيز الجاه سبحانـه ..
وحنا بدو بدو وان ثـارت الهيـه
نثبـت ليـا خالـط البـارود دخانـه ..
وحنا بدو بدو دايم نارنا حيه
نزعل ليا صك راع البيت بيبانه ..
حنا بدو اليا كوينا ننضج الكيه
يفرح بنا اللي غدا ذوده وحيرانه..
يالي تقولي بـدو واقـول يابنيـه
حنـا الأصـل .. وللبيـت شيشانـه..

[عالي الهمة]

قلت بصراحه مااعرف الاالبجاديه ..
واعرف من حد مكـه ليـن غيلانـه ..

قفل صح لسانك

[غصن الزيتون]

صح لسااااااااااااااااااااانك

[المــحــــــترمـــ]

قالت بغيت البنات وقلت غلطانه ..
قالت بلاش دلع .. رح ناد بدريه


اما بتقول غلطانه يالقفل


معليش صدقتك ودي لوني شايفك وانت تكلم

تلقى عرقانك واصله كراعينك


وخاصة ان شعرك طويل يساعد على انسياب العرق بسهوله

هههههههههههههههههههههههه


قصيدة حلوة بالحيل يالقفل


يعطيك العافية ياحلو (اسف اني علمت الناس ان شعرك طويل)



.

[دموع الأمس]

مشكرو قفل على الآبيات

لك تحياتي

[نبض الحياة]

أخي قفل

صح لسانك وألف شكر 0



أختك :) نبض الحياة

[آه يا زمن]

هههاااييي
شكراً اخوي على الموضوع الرائع

وننتظر جديدك
اختك
كتكووتة